مجنون الحب

قالولي الليحبك لازم يكون
مجنون وقلت ايه انه مجنون

ياناس شبيديه الروح تختار
وروحيمعلقه وي ذبيح عيون

من يمشي يتبختر يهبل الناس
مو حسنه وجماله يشيب الراس

أنيق وشاعري ومرهف وحساس
جمع كل الصفات وعاند الكون

مافادك خيالي لحظة لو غاب
يانفحة عطر بالرية تنساب

والله لو صرت بجروحي تيزاب
ماأقلك حبيبي شلون مالون


أتمنى الليالي كلها وياك
وأشعر بالسعاده يوم ألقاك

ماتدري عليه شعظم فرقاك
تصير الدنيا شبكه وبيها مسجون

ياعمري وحياتي وسلوة البال
عيش انت بدليلي بكل الأحوال

خلي الناس تحجي ألوان وأشكال
تظل انت حبيبي وبيك مفتون

قمة الجمال والرومانسية عاشت ايدج رياح المواسم


صدك تره اليحب لازم يكون مجنون هع

ننتظر جديدك وابداعك وتميزك

وفقكِ الله

ودمتِ والجميع بود

يسلمو على المرور الجميل تسلمون اخوان
والله لا يحرمنا من هالطله

مشكورة اختي على الكلام الجميل
تقبلي مروري