تعالو شوفو الشباب والبنات شيسون قبل ميدخلون للكلية

السلام عليكم
اشلونكم حبايبي
طبعا كلنا يعرف ان الطالب الذي يدخل الكليه يدخلها بعد انهاء المرحله الثانويه (( السادس علمي ))
واليكم موضوع الذي يعلمكم ما هي الاعمال الذي قام بها الطلاب قبل دخولهم الكليه (( البنات _ الشباب ))
(( الـــــــشـــــــبـــاب ))
الشباب : بعد الانتهاء من الامتحانات النهائيه للصف السادس علمي وقبل توزيع النتائج يكون فلم رعب عن الطالب (( مشلوش ميعرف شيسوي بس ايفكر بالنتيجه ))
يوم توزيع النتائج يذهب الشاب الى المدرسه علمود يستلم الشهاده وعند وصوله الى المدرسه ايشوف كثير من الطلبه على وجوهم البسمه وطلبه اكثر على وجوهم الحزن والالم ( الالم لو مقطاطه )) ويدخل الى الاداره حيث المعاون شؤون الطلبه
الطالب : السلام عليكم استاذ بس اريد استلم الشهاده مالتي
المعاون : روح اطلع بره خل اكمل ريوكي واصيحلك (( زوجة المعاون اتبخ نوم ورجلها يتريك بالمدرسه لفة فلافل ))
المعاون : تعال وينك
الطالب : نعم استاذ
المعاون : تعال طلعت ناجح ومعدلك (( 65 )) (( للاسباب امنيه لم يذكر اسم الطالب ولا اسم المعاون انخاف من العلس ))
الطالب : الحمدلله استاذ والله الليل ما انام بس كضيتها قرايه حتى بالاربعين يوم زينت حواجبي علمود ما اطلع بس اقره (( الله ايخلي البراشيم والغش ))
المعاون : عفيه ابني يله وين الاكراميه
الطالب : استاذ هسه مشايل بس 5000 الف دينار اروح للبيت وارجع وتدلل
المعاون : روح جيب فلوس وتعال واني كاعد لحد ساعه 6 مساء
الطالب : اوكي (( ابو درب هذا المعاون ميتقفص منه ))
رجع الطالب يركض للبيت عبالك مخبل وصل راس شارعهم يصيح (( يمه يمه طلعت ناجح ))
اخذ الطالب مبلغ ما يقارب 15000 دينار ورجع للمدرسه
المعاون : ها جبت الاكراميه
الطالب : اي استاذ اتفضل
المعاون : دروح جيبلي باكيت جكاير فايسروي
الطالب : تدلل استاذ (( خرب بليسك هو يطيني الشهاده مو صمط جدي ))
جاب الطالب الجكاير للاستاذ ورجع للبيت ركض وصل للبيت وامه كامت اتهلهل والجوارين يباركوله
والطالب راسا راح نام لان تعرفون خطيه مكضيها قرايه والليل كله سهران وكعد الطالب ثاني يوم
طبعا الطالب راح ايكوم يهتم بنفسه اكثر من قبل ويغسل كل ساعتين علمود الكليه
وقبل الكليه بااسوعين اتشوفون طلاب الكليه بهاي المكانات علمود يشترون هدوم ويحضرون للكليه ..
المنصور قرب تسجيلات الرواد مجمع الاميرات ... مجمع الليث التجاري ... سوق الكاظم باب الدروازه اللنكات ((الباله )) هاي اللنكات للطالب الي واكع من فوك ناطحت السحاب حيث يقوم الطالب بشراء ملابس الكليه وهيه (( 4 بنطرونات قماش كصه عدله + 6 قمصان اللوان مختلفه + حذائان ابو البوز (( المصباح السحري ))
ويقوم ايضا ببمارسة اللعبه الرياضيه المشهوره كمال الاجسام (( الحديد )) يقوم بالتمرين في القاعه وياخذ حبوب المقويه والمشهيه والنافخه للعضلات (( داينبل )) علمود ايفيك كدام البنات ويكضي الاسبوع الاول بالكليه مقلص نفسه ....... هاي اكثر الاحداث الذي يقوم بها الشباب قبل دخولهم للكليه
(( الــــبـــنــــــــات ))
قبل توزيع النتائج للصف السادس علمي اشوفون البنات كلهن ايصلون (( ايضربون ركعه )) علمود ايطلعون ناجحات ويخلصون من هم المدرسه ويدخلون عالم الكليه وحوادثها
يوم توزيع النتائج تروح البنيه ويه امها للمدرسه علمود تستلم النتيجه طبعا البنات مو مثل الولد البنات ايروحون يستلمون النتيجه من الشبابك لان البنات عنيفات
انو البنيه
عنصر شديد العصبيه في حالات طبيعيه حسب ما اذكر يعني يمكن تضرب المدرسه ))
البنيه : هلو ست اشلونج
المدرسه : هلو حبيبتي
البنيه : عفيه ست بشريني اريد اعرف شنو نتيجتي
المدرسه : لا عفيه طلعتي ناجحه ومعدلك (( 59 ))
البنيه : شكرا ست امواح امواح (( كامت اتبوس المدرسه ))
طبعا البنيه كامت اتكمز واتصيح ماما نجحت (( عبالك ماكله نستل دونكا )) وتتمرغل بالكاع (( نظفت المدرسه بهدومها ))
وعند خروج البنيه وامها نحو البوابه الخارجيه للمدرسه البنيه شافت خادمة المدرسه (( الفراشه ))
البنيه : باركيلي خاله ام محيسن طلعت ناجحه
الفراشه : هاي شنهي الف مبروك ابنيتي
البنيه : الله ايبارك بيج خاله
الفراشه : جا يعني بعد ما انشوفنج (( عااااا جا هيه غير تطيني اكراميتي ))
البنيه : ان شاء الله ازوركم (( هيه بعد مشوف المدرسه ابد )) هاي اكراميتج خاله 1000 دينار
الفراشه : اشكرنج ابنيتي (( امداج ومده فكريتج 1000 دينار يوم نجاحج جلف جا بس اتعرفن اتفيكن علينا ))
طلعت البنيه من المدرسه هي وامها وصعدو بالسياره مال اخوها منتضرهم ساعتين (( شاتلين الولد ))
اخوها : ها بشري اشطلعتي (( ايكلها اشطلعتي لان ممصدك اخته تنجح معجزه ))
البنيه : طلعت ناجحه ومعدلي (( 59 ))
اخوها : بها يا الله عبالي معدل بيه خير هاي معهد نفط بس الوحيد الي ايقبلج
البنيه : لا كلية المنصور الاهليه لو كلية المامؤن الاهليه ايقبلوني هم
جغغغغ جغغغ هاي اخوها ليشغل السياره
الحمدلله السياره اشتغلت بدفعه ورجعو للبيت سالمين
صعدت البنيه اتبدل واخوها رجع نام جوه السياره قصدي نام على الفراش
الام : يله تعالو صار الاكل
الولد : ماما اني ما اريد لان ما الي نفس اكل (( نفسه مسدوده من وره السياره امكضيها دفعات عبالك عربانه مو سياره ))
البنيه : ماماتي اني ما اريد لان داحجي ويه صديقاتي بالتلفون
الام : لعد اني المن امسويه اكل
البنيه : ماماتي حبيبتي اشوكت اروح نشتري ملابس للكليه
الام : اي يعني اني هسه ماعندي فلوس (( الدخل كله يم السيد الوالد ))
البنيه : اي اي (( كامت تبجي مثل الزعاطيط )) اني معليه اليوم اروح نشتري ملابس
وصل الاب الى البيت
طااااااااااااااااااط طااااااااااااااااااااااااط هاي ابوها واكف بالباب ايدك هورنات
البنيه ركضت فتحت الباب (( شغله بيها مصلحه مع العلم البنيه عمرها مفاتحه الباب لابوها ))
البنيه : هلو بابا حبيبتي الله ايساعدك (( عنصر يتملق في اوقات معينه ))
الاب : هلو حبيبتي
البنيه : بابا طلعت ناجحه باركلي
الاب : الف مبروك حبيبي (( ميعرف ليهسه المعدل اشكد ممصدوم ))
البنيه : شكرا بابا حبيبي
دخلو داخل البيت
الاب : اتغده وراها راح نام
الام : غسلت المواعين وهم راحت نامت
البنيه : تحجي ويه صديقاته بالتلفون وبعدين نامت
اخوها : كاعد يغسل السياره
طلع الصبح وصارت الساعه 11 صباحا وطلعت البنيه هيه وامها ليشترون ملابس للخاتونه
طبعا البنات يشترون الملابس من المكانات التاليه (( سهام السبتي العفو قصدي سهام العبيدي او المنصور قرب مجمع الاميرات )) واشترت البنيه الملابس ورجعوا للبيت
كعدت البنيه تحجي ويه صديقتها بالتلفون اليوم رحت اشتريت ملابس اليه
(( ركز على بقيت القصه ))
طبعا خطيه بابا اطاني مليون ونص كلي حبيبتي روحي اشتري الي ايعجبك
ورحت اني وماما للمحل جار القمر هذا الي بالمنصور طبعا هو زين اسعاره مناسبه
اشتريت تنوره سعرها 280 الف واشتريت قميصان القميص الواحد سعره 120 الف
واشتريت حذاء سعره 300 الف واشتريت مكياج من شركة كازنوفا بالمنصور صار الحساب تقريبا 400 الف
واشتريت جنطه كلش حلوه سعرها 90 الف بس اتخبل واشتريت مناظر ديور سعرها 200 الف واشتريت عطر شانيل سعره 150 الف
وبعدين البنيه سدت التلفون .................[/size]

مشكورة اختي
ههههههههههههههههههه
يسعدني اكون اول من يرد على الموضوع
تقبلي مروري

هع هع كلام مضبوط ههههههههههههههه

عاشت ايدج اختي امورة طبعاً كلام صحيح وحته بعد اكو شغلات مو مذكورة عندج هع

روووعة الله يوفقج

تقبلي مروري

ودمتِ والجميع بود

هع ثانك يو هع على تعليقكم الحلو و اكيد هاي الكل هيجي يسوون هع و عادي اني وحدة من الناس من دخلت للكلية هم تلوكت لاهلي هع حتى اشتري كل شي
تحياتي الكم
النمرة العراقية

اسمعوني انا مجرب البنات البنات يبن الفلوس وبعضهم يبن بطايق شحن بعضهن يبن وبعضهن يضحكن ع الشاب او الواد شوف انا مره كنت الام واحد اكتشفت انه ما تخبني تحب الفلوس اكثر ماتحب شكرلك وتقول ابي واحد غني وعنده الفلوس وكثيره قالت انا منين القي يحسره قالت دبر قالت منين الدبر قالت انتم ياسعودين انتم العنياء احسن من عشتنا قالت الامكان الي انتي فيه الحسن منه في الكثير قالت انا ما احبك ولا الريدك وكشفته على حقيقتها من اليوم تقول كيفك ياعمري كيفك حبيبي قالت نعم الحمدالله قالت انت حولتلي افلوس قالت لا وتسكر على وجي الموبايلى وكل ما هذا تسال
وتسال لما انا طفشت منها الحسبه مثل الناس التريها ما تبيني انا ايش ريكم في الامر هذا