24 جذبة للشباب

موضوع: 24 جذبة للشباب الخميس يناير 17, 2008 6:28 pm

حبيبتي تدرين والله اني ماعندي حركات الشبااب .. مااحجي ويه بنات.. اصلا ماحب هالحركات

(( واضح وانت كل بنات العالم يعرفوك ))

2- ماادري حبيبتي احس اني اعرفج من زمااان

(( لا يمكن ملخبط بينها وبين وحده جنت تعرفها كبل .. يمكن اكو شبه ))

3- حبيبتي احس انتي تختلفين عن باقي البنات

((ليش فوك راسها ريشه لو من كوكب ثاني...! ))

4-حبيبتي والله احس اكو اشياء اهوايه اني وانتي نتشابه بيهااا ..عبالك شخص واحد

(( سبحان الله اخوها في الاسلام لازم يصير شبه ها ها هاااي ))

5-ياريتني ياقلبي عرفتج من زمان

(( ماعلينه جان عندك ازدحام ))

6- حبيبتي انتي تامرين كلبي امر .. كل اللي تكولينه البيه

(( اي بالاحلام اكيد ))

7- حيااتي اريدج تتغطي علمود محد يشوفج غيري لاني اغاار

((لا يا حرااااام الغيرة حركت كلبك حرك ))

8- اريد اخطبج من اهلج بس بعد ما اكون نفسي

(( اي من تكوون هع هع بس صح تكسر الخاطر فلوسك كلها على البطايق والسيارة وعزايم ربعك و و و الخ ))

9-يا كلبي اريد اشوفج باقرب وقت مااكدر على الشوق اللي ذبحني

((يريد اصحابه يتأكدون انها حلوة ))

10 - انا احب الشعر ومن هواياتي الرسم والسباحه

(( لا رومنسي الحبيب ))

11- حبيبتي حطي ببالج ترى انا اذا حبيت حبيت من كل كلبي

(( اكول بس يا كلب بيهم ؟!!!! ))

12- علاقتي بيج محد يدري بيها ابد لانها تعتبر من اهم خصوصياتي

(( بس عادي كل ربعــه يدرون .. لانهم مو اي احد ))

13 - احتمال اسافر الصيف الجاي

(( ايــــــــــه هيــــــن <<<< بس كولها الموبايل مو ويايه لان مايشتغل اهناك))

14- دائما اشتري عطوري من باريس

(( الحمدلله والشكر ))

15- لمن اشوف رقمج بتلفوني كلبي يفز من مكانه

(( اكييد .. خايف تكون كشفت ملاعيبك ))

16- فلان كلي انطيه رقمج .. بس اني كلتله اكتلني كبل متاخذ رقمها مني

(( هاهاااي يا مضحي انت يا شجااع .. هذا اذا مو كل الشباب يعرفون رقمها المسكينه ))

18 - حبيبتي اريد صورتج اخليها عندي علمود قبل ما انام اشوفها واحطها جوة راسي وانام

(( لا وانت الصادق علمود يوم الي تمل منها تهددها ))

19- اسف حبيبتي البارحه ما اتصلت بيج لان جنت مشغووووول كللللللش بالدراسه

(( واضح يا نيوووتن انـــــــــت ))

20- تدرين حبيبتي انا دائما البنات في المراكز يطلبون رقمي ... بس اني ماانطيهم فيــس(face )مادام انتي حبي

(( هاهاااي .. الترتيب الصحيح للجمله .. دائماا انا الحك البنات بس ماينطوني ))

21- والله حبيبتي جان بنفسي اجي عالموعد اليوم بس صارت ظروف صعبة جدااا ومااكدر اجي سوري

(( ايه صح تذكر موعده مع خويته الثانيه اللي واعدها 10 مرات وخلف وعده ))

22- البارحه مانمت... طول الوكت افكر بيج... اخذتي عقلي حبيبتي

(( قصدك نمت وحلمت وشبعت نووم ومتدري بيهاااا اصلاً ))

23- انتي احلى بنت شفتها بحياتي ماظن الكى احلى منج

(( ليش متعرف على ملكة جمال الكون واحنا ماندري؟؟))

24- يمكن راح اشتري كمبيوتر جديد... كمبيوتري صار له شهرين وياي وكمبيوتر اخويه ميعجبني والكمبيوتر الثاني ماتأقلمت وياه

((ماشاء الله وكالة كمبيوتراات ....اراهن بعمري على انه كمبيوترك قديييييييم من العصر الجاهلي وماعندك غيره كل ماخرب صلحته))

ههههههههههههههههههههههههههههههههههههههههههههههههههههههههههههههههه

اويلي يابة هاي شنو عيني أميرة بس بسيطة الكم يا بنات راح احضرلكم وحده اقوى

مشكوورة اختي وعاشت ايدج والله متت من الضحك وصدك تره اغلب الشباب هيج

هع هع هع ننتظر تحشيشك

تقبلي مروري

ودمتِ بود

اووووووووووووف بردتي قلبي حبي اميرة الشعراء هههههههههههههههههه

شكرا الج موضوع جدا صحيح عفوا جميل هههههههههههههههههه

هههههههههههههههههههههههههههههههههههههههههههههههههههههههههههههههه

والله البنات يريدون شغلة علينا من شان يبرون ذمتهم بس ايه عادي الايام جاية هههههههههههههههههههههههههههههههههههههههههه

شكرا امورة الغالية على الموضوع الرائع